PPDO ng MagSur, ipinatupad ang Performance Implementation Review at 2026 Operational Planning sa unang pulong ng tanggapan ngayong taon

iMINDSPH

Sa temang Turning Lessons into Direction: PPDO Looks Back on 2025, Moves Ahead to 2026, inilahad ng PPDO ang taunang ulat ng mga natamong tagumpay noong 2025 at ang mga nakatakdang operational plans para sa 2026—isang hakbang na naglalayong tiyakin ang mas malinaw, may saysay, at people-centered na direksiyon ng mga programa ng lalawigan.

Lumahok ang bawat dibisyon ng PPDO sa presentasyon, kung saan detalyado nilang ibinahagi ang kani-kanilang accomplishments para sa 2025 at inilatag ang mga plano at prayoridad para sa 2026. Sa ganitong paraan, nabuo ang isang holistiko at kolaboratibong pagsusuri ng kabuuang performance ng tanggapan.

Higit pa sa isang reporting activity, ang taunang presentasyon ay nagsilbing patunay ng paninindigan ng PPDO sa transparent, data-driven, at people-centered planning.

Sa pamamagitan ng pagsasalin ng mga aral mula 2025 tungo sa konkretong estratehiya para sa 2026—at sa kolektibong ambag ng lahat ng dibisyon—patuloy na pinatitibay ng PPDO ang papel nito sa pagsusulong ng sustenableng kaunlaran at tumutugong pamamahala sa lalawigan.