Professor Ishii Masako ng Rikkyo University, bumisita kay MILF Chairman Al-Haj Murad Ebrahim sa Camp Darapanan, Simuay, Sultan Kudarat, Maguindanao del Norte

iMINDSPH

Nagtungo sa MILF Central Committee Headquarters sa Camp Darapanan si Professor Ishii Masako ng College of Intercultural Communication, Rikkyo University, Tokyo, Japan, noong Nobyembre 8.

Humarap sa propesor si Moro Islamic Liberation Front Central Committee Chairman at United Bangsamoro Justice Party President Al-Haj Murad Ebrahim.

Ang pagbisita ay kaugnay ng ginagawang research hinggil sa Bangsamoro elections, political demographics, at governance, na layuning mas maunawaan ang dynamics ng sistemang pampulitika at panlipunan sa rehiyon.

Ibinahagi ni Chairman Murad kay Professor Masako ang mahahalagang pananaw at karanasan hinggil sa paglalakbay ng Bangsamoro tungo sa kapayapaan, katarungan, at pangmatagalang kaunlaran.

Ayon kay Chairman Murad, umaasa siyang ang naturang pag-aaral ay makapagbibigay ng mas malalim na pag-unawa sa mga pagsisikap at mithiin ng mga Bangsamoro, lalo na sa konteksto ng democratic government at peace process.