Project TABANG, ipinrisinta ang mga napagtagumpayan sa taong 2025 sa kanilang 2025 Year-End Review and Assessment

iMINDSPH

Ito na ang ika-anim na Year-End Program Implementation Review at Assessment ng Project TABANG upang suriin ang implementation processes, accomplishments, at overall performance ng kanilang mga programa, activities, at proyekto sa ilalim ng tatlong (3) major components mula a-2 hanggang a-5 December 2025.

Bawat component ay nagprisinta ng insights at detailed accomplishment reports mula sa una hanggang sa huling quarter ng taon.

Tinukoy naman ng support-to-operations units ang mga napagtagumpayan, mga hamon, pinagtibay na mga pamamaraan, at rekomendasyon para mapalakas pa ang proyekto bilang isa sa mga flagship programs ng Office of the Chief Minister (OCM).

Tinalakay sa pulong ang development efforts, key result areas, technical tasks, action plans, at strategic initiatives, kabilang na ang usapin na kinakaharap ng bawat unit sa kasagsagan ng implementasyon ng programa.

Pinuri naman ni Project Manager Brahim Lacua ang success reports at naghayag ng kanyang pasasalamat sa Project TABANG personnel, kung saan kinilala din nito ang partners, volunteers, at organizations mula sa government at non-government sectors.

Ang Project TABANG ay inilunsad ni Former Chief Minister Ahod “Al Haj Murad” Ebrahim at ipinagpatuloy sa ilalim ng liderato ni Chief Minister Abdulraof “Sammy Gambar” Macacua, na isinasakatawan ang prinsipyo ng Moral Governance.