Publiko, walang dapat ipangamba dahil isolated case at hindi umano sumasalamin sa pangkalahatang peace and order sa probinsya ng Maguindanao del Sur ang nangyaring ambush sa bayan ng Shariff Aguak

iMINDSPH

Nakipagpulong si Maguindanao del Sur 𝐆𝐨𝐯𝐞𝐫𝐧𝐨𝐫 𝐃𝐚𝐭𝐮 𝐀𝐥𝐢 𝐌𝐢𝐝𝐭𝐢𝐦𝐛𝐚𝐧𝐠 kay 6th ID at Joint Task Force Central Commander Major General Vladimir Cagara, Brigadier General Edgar Catu, at aPRO-BAR Regional Director PBGen Jaysen De Guzman, araw ng Lunes.

Tinalakay sa pulong ang 𝐧𝐚𝐠𝐚𝐧𝐚𝐩 𝐧𝐚 𝐩𝐚𝐧𝐚𝐧𝐚𝐦𝐛𝐚𝐧𝐠 𝐤𝐚𝐲 𝐌𝐚𝐲𝐨𝐫 𝐀𝐤𝐦𝐚𝐝 𝐀𝐦𝐩𝐚𝐭𝐮𝐚𝐧 ng bayan ng Shariff Aguak, araw ng Linggo.

Sa nasabing pagpupulong, masusing tinalakay ang kasalukuyang sitwasyon sa seguridad ng lalawigan, gayundin ang mga agarang hakbang na isinasagawa ng kapulisan at militar upang matiyak ang kaligtasan ng mga mamamayan at maiwasan ang anumang kahalintulad na insidente sa hinaharap.

Ayon kay Governor Midtimbang, walang dapat ipangamba ang publiko sapagkat ang insidente ay itinuturing na isolated case at hindi sumasalamin sa pangkalahatang peace and order situation sa lalawigan. Tiniyak din ng Gobernador na mahigpit ang koordinasyon ng lokal na pamahalaan sa hanay ng pulisya at sandatahang lakas upang mapanatili ang kapayapaan, kaayusan, at seguridad sa buong Maguindanao del Sur.