Regional most wanted person na nahaharap sa kasong rape, nadakip sa Munai, Lanao del Norte ng mga elemento ng PNP BAR at PNP PRO 12

iMINDSPH

Nasakote ng magkasanib na puwersa ng Police Regional Office 12 at Police Regional Office Bangsamoro ang isang Top 10 Regional Level Most Wanted Person na nahaharap sa kasong rape matapos isilbi ng awtoridad ang warrant of arrest Kinilala ng pulisya ang suspek na si alyas “Jestoni,” 50 taong gulang, residente ng Bangkerohan, Davao City.

Inaresto ang suspek noong Disyembre 24 sa Barangay North Cadulawan, Munai, sa bisa ng warrant of arrest na inisyu ng korte kaugnay ng kasong rape.

Isinagawa ang operasyon sa pamamagitan ng pinaigting na koordinasyon ng 1st Provincial Mobile Force Company, Munai Municipal Police Station, at Provincial Intelligence Unit ng Lanao del Norte Police Provincial Office, katuwang ang mga operatiba ng Provincial Intelligence Unit at Makilala Municipal Police Station ng Cotabato Police Provincial Office.

Matapos ang pag-aresto, agad na dinala ang suspek sa Munai Municipal Police Station para sa kaukulang dokumentasyon at disposisyon.