SOCIAL REHABILITATION TRAINING Tinapos ng 14 trainees sa loob ng 10 buwan mula sa Center for Persons with Disabilities ng MSSD

iMINDSPH

Kinilala ng Ministry of Social Services and Development o MSSD ang 14 trainees na may kapansanan mula sa Center for Persons with Disabilities o CPWD sa kanilang pagtatapos sa 10-month Social Rehabilitation Courses noong Abril 13, 2026 sa Golden Lace Fine Dining, Macapagal Street, Cotabato City.

Sa ilalim ng temang “Breaking Barriers: Creating Opportunities and Inclusion with the Center for Persons with Disabilities,” layunin ng programa na hasain ang kakayahan ng mga trainees para sa independent living at mainstreaming.

Labintatlo sa mga nagtapos ay mula sa Social Preparatory Skills Program na nakatuon sa Basic Communication, Arithmetic, Daily Living Skills, Personality Development, Arts and Crafts, Values Formation, at Character Building.

Isang trainee naman ang nagtapos sa Functional Literacy Course sa pamamagitan ng Basic Sign Language at Alternative Learning System o ALS, at nabigyan ng Learning Reference Number o LRN para sa pagpapatuloy sa Senior High School sa ilalim ng SPED program.

Bilang suporta, nakatanggap din ang mga trainees ng post-course grants para sa kanilang transition sa school placement.

Dinaluhan ang aktibidad ng MBHTE-TESD, UNICEF Mindanao Field Office, PDEA Regional Office, Cotabato City Police, at iba pang partner sectors.

Binigyang-diin ng MSSD na ang programa ay patunay na ang kapansanan ay hindi hadlang sa pag-abot ng pangarap.