South Cotabato Provincial Government, kabilang sa Top Honors sa 25th Gawad Kalasag Awards for Excellence in Disaster Preparedness

iMINDSPH

Patuloy na kinikilala ang Provincial Government ng South Cotabato sa mga inisyatibong may kinalaman sa disaster preparedness at response.

Kabilang ang probinsya sa mga tatanggap ng Top Honors sa 25th Gawad Kalasag Awards for Excellence in Disaster Preparedness, na gaganapin sa December 2, 2025, sa General Santos City.

Ang Provincial Risk Reduction and Management Office (PDRRMO) ay muling kikilalanin matapos makamit ang “Beyond Compliant” na marka sa Gawad KALASAG Seal and Special Awards for Excellence in Disaster Risk Reduction and Management and Humanitarian Assistance ngayong taon.

Pinuri ni Governor Reynaldo Tamayo Jr. ang dedikasyon at teamwork ng PDRRMC at PDRRMO, kasama ang iba pang disaster management partners, at binigyang-diin na ito ay bunga ng pagkakaisa, kahandaan, at commitment ng probinsya sa kapakanan ng publiko.

Ang Gawad KALASAG ay ang pinakamataas na parangal sa bansa pagdating sa disaster risk reduction and management, na iginagawad ng National Disaster Risk Reduction and Management Council (NDRRMC) sa pamamagitan ng Office of Civil Defense (OCD).

Layunin nitong bigyang-pugay ang mga natatanging LGU at organisasyon na nagpapakita ng kahusayan sa disaster preparedness, mitigation, response, at humanitarian assistance.