Starter Toolkits mula sa MBHTE TESD Special Training for Employment Program, ipinamahagi sa 50 trainees

iMINDSPH

Upang mapaunlad ang kasanayan, kaalaman, at mas maging produktibo, ipinagkaloob sa limampung mga scholars ng Tile Setting NC II ang starter toolkits mula sa Ministry of Basic, Higher and Technical Education TESD noong December 5, 2025.

Ang 50 indibidwal ay mga trainee ng Cotabato City Manpower Development Center, Cotabato City District Office, kung saan ipinatutupad ang isa sa mga skills training ng MBHTE TESD sa ilalim ng Special Training for Employment Program.

Bukod sa libreng training, assessment, at allowance na ibinibigay sa mga scholars, mahalaga ang starter toolkits upang masukat ang kanilang kaalaman at kasanayan sa mga natutunan sa training.

Patuloy ang CCMDC at CCDO sa paghahatid ng de-kalidad na pagsasanay, oportunidad, at suporta tungo sa mas maunlad na kabuhayan ng mga Bangsamoro.