Strategic Performance Management System Workshop isinagawa ng Provincial Government ng Maguindanao del Norte upang palakasin ang performance culture sa loob ng pamahalaang panlalawigan

iMINDSPH

Matagumpay na isinagawa ng Provincial Government ng Maguindanao del Norte, sa pamamagitan ng Provincial Planning and Development Office (PPDO), ang Strategic Performance Management System (SPMS) Workshop noong Pebrero 19–20, 2026 sa Conference Hall ng Provincial Governor’s Office.

Layunin ng aktibidad na palakasin ang performance culture sa loob ng pamahalaang panlalawigan sa pamamagitan ng mas sistematikong performance planning, monitoring, at evaluation.

Naging resource speaker si Cristhian Villa, Senior Human Resource Specialist ng Civil Service Commission – Bangsamoro Autonomous Region in Muslim Mindanao, na nagbigay ng komprehensibong talakayan hinggil sa kahalagahan ng SPMS sa pagpapalakas ng accountability at pag-align ng individual performance sa organizational goals.

Sa kanyang diskusyon, binigyang-diin ang kahalagahan ng malinaw na performance targets, maayos na monitoring mechanisms, at objective evaluation systems upang makamit ang mas mataas na antas ng efficiency at mas makahulugang resulta sa public service.

Ayon sa PPDO, ang seminar ay nagbigay ng mahalagang kaalaman kung paano mas epektibong maiaayon ang personal goals ng mga empleyado sa pangkalahatang layunin ng organisasyon, kasabay ng pagsusulong ng transparency at continuous improvement.

Sa pagtatapos ng workshop, nanawagan ang pamahalaang panlalawigan sa lahat ng kalahok na magpatuloy sa pagtataguyod ng kultura ng performance, propesyonalismo, at paglago sa serbisyo publiko.