Suspek sa kasong robbery, arestado ng awtoridad sa bisa ng warrant of arrest

iMINDSPH

Timbog ang isang wanted person sa kasong robbery matapos ang pagsisilbi ng warrant of arrest ng pulisya.

Inaresto ang suspek na kilala sa alyas “Jay”, 21-anyos, sa bisa ng warrant of arrest kaugnay ng kasong Robbery with Violence or Intimidation of Persons sa ilalim ng Article 294 ng Revised Penal Code.

Ang warrant ay inilabas ng Regional Trial Court Branch 18 Midsayap kaugnay ng Criminal Case No. 25-218.

Kasalukuyang nasa kustodiya ng pulisya ang suspek para sa wastong dokumentasyon at pagsasailalim sa kaukulang legal na proseso.