Tanggapan ng Project Management Office ng Project TABANG, isinailalim sa inspeksyon ng Cotabato City Engineering Office

iMINDSPH

Kasunod ng naranasang lindol na tumama sa iilang bahagi ng Mindanao, nagsagawa ng building inspection ang Cotabato City Engineering Office sa opisina ng Project Management Office ng Project TABANG.

Ang inspeksyon ay naglalayong masiguro ang integridad at kaligtasan ng naturang ikstruktura sa pamamagitan ng pag-eevaluate kung mayroong pinsala at magrekomenda ng hakbang at paraan upang mapanatili ang compliance sa safety standards.

Nagpasalamat naman ang Project TABANG sa City Engineering Office sa maagap na pagtugon sa kahilingang magsagawa ng inspeksyon at suporta sa pagpapanatiling ligtas ng pasilidad.