Tatlong HVT, timbog sa buy-bust operation; ₱40K suspected shabu, nasamsam

iMINDSPH

Arestado ang tatlong high-value individuals sa buy-bust operation kaugnay ng ilegal na droga.

Kinilala ang mga suspek na sina alyas “Jorhan”, umano’y may-ari ng drug den; alyas “Toto”, empleyado ng nasabing drug den; at alyas “Denver”.

Nakumpiska mula sa mga suspek ang humigit-kumulang anim na gramo ng hinihinalang shabu na may tinatayang standard drug price na ₱40,800.00, kasama ang buy-bust money at iba’t ibang drug paraphernalia.

Isinagawa ang buy-bust operation ng pinagsanib na puwersa ng PDEA RO 12–Sarangani–General Santos Provincial Office, PDEA RO 12–Regional Special Enforcement Team, Sarangani Provincial Mobile Force Company, at Malapatan Municipal Police Station, araw ng Biyernes, January 30

Kasalukuyang nasa kustodiya ng PDEA ang mga suspek habang inihahanda ang mga kasong paglabag sa Republic Act No. 9165 o Comprehensive Dangerous Drugs Act of 2002 para sa inquest proceedings.