TENNUN EXPO, TRADE FAIR, RAMADHAN PAKARADJAAN VILLAGE Bukas na sa Basilan Government Center Grounds bilang bahagi ng pagdiriwang ng 52nd Founding Anniversary: Tennun Pakaradjaan sa Ramadhan 2026

iMINDSPH

Pinangunahan ni People’s Governor Mujiv Hataman ang Ribbon Cutting Ceremony kasama ang mga haligi ng #TeamKapitolyo, hudyat ng opisyal na pagbubukas ng isa sa pinakaabangang tampok ng #TennunPakaradjaan2026.

Nagbigay ng isang naseeha si Dr. Aboulkhair Tarason, Chairman ng Basilan Ulama Supreme Council na nakasentro sa kapayapaan at kahalagahan nito hindi lamang sa ating pananampalataya kung hindi pati na din sa pag-unlad ng buong komunidad.

Nagbigay rin ng mensahe ng pakakaisa si Board Member Ahmed Ibn Djaliv “Amin” T. Hataman bilang panauhing pandangal. Matatandaan na si BM Amin ay nagpasa ng Yakan Tennun Ordinance kung saan idiniklara na ang Tennun ay ang official provincial cultural symbol ng Basilan.

Nakiisa rin sa pagbubukas si Isabela City Mayor Sitti Djalia Turabin-Hataman, kasama ang mga kawani ng #TeamKapitolyo at iba pang panauhin gaya nina Bangsamoro Commission for the Preservation of Cultural Heritage Commissioner Naida Akkalan, Engr. Kasim Hasanin ng Ministry of Public Works-Basilan District Engineering Office, Provincial Director Argie Sarco ng Ministry of Trade, Industry and Tourism, Provincial Director Hanie Junuban ng Ministry of Agriculture, Fisheries and Agrarian Reforms, at Lamitan City LGU.