Top 10 Most Wanted ng Region 11, timbog matapos isilbi ng awtoridad ang warrant of arrest sa kasong paglabag sa Republic Act 7610

iMINDSPH

Tiklo ang Top 10 Most Wanted Person ng Davao Region na nahaharap sa kasong paglabag sa Republic Act 7610 o Special Protection of Children Against Abuse, Exploitation and Discrimination Act.

Kinilala ang naarestong suspek sa alyas na “Mak-Mak”.

Ang warrant of arrest ay inisyu ng Family Court, Eleventh Judicial Region, Branch 9, Lupon, Davao Oriental noong Hulyo 15, 2025, na may inirerekomendang piyansa na ₱200,000.00.

Ang operasyon ay naisakatuparan sa ilalim ng direktang superbisyon ni PCOL Melvin Montante, Chief, RID11, at bunga ng kolektibong impormasyon mula sa Barangay Intelligence Network (BIN) at pakikipag-ugnayan sa iba pang law enforcement units at intelligence sources.