Top 10 Regional Most Wanted at Top 1 City Level Most Wanted, arestado sa Cotabato Airport

iMINDSPH

Arestado sa Cotabato Airport, Datu Odin Sinsuat, Maguindanao del Norte ang isang Top 10 most Wanted Person at Top 1 City Level Most Wanted Person.

Ikinasa ang operasyon, araw ng Lunes, September 1.

Ang suspek ay may nakabinbing Warrant of Arrest na inilabas ni Judge Annabelle D.P. Piang, Acting Presiding Judge ng Regional Trial Court, 12th Judicial Region, Branch 13, Cotabato City, dahil sa paglabag sa Presidential Decree 1866 na inamyendahan ng R.A. 8294 at R.A. 9516 o Illegal Possession, Manufacture, and Acquisition of Firearms, Ammunition, or Explosives.

Ang matagumpay na operasyon ay isinagawa sa ilalim ng Letter of Instruction o LOI 03/11 Manhunt Charlie, sa pakikipagtulungan ng mga tauhan ng Police Regional Office–Bangsamoro Autonomous Region (PRO BAR) at iba pang government operating units.

Pinuri ni PBGEN Jaysen De Guzman, Regional Director ng PRO BAR, ang mga operatiba sa kanilang walang tigil na pagsisikap sa pagtugis sa mga wanted personalities.