Top 3 Most Wanted ng PNP PRO 11 na nahaharap sa kasong murder, timbog sa Pantukan, Davao de Oro

iMINDSPH

Napasakamay ng awtoridad ang Top 3 Regional Level Most Wanted Person ng PNP PRO 11 matapos isilbi ang warrant of arrest sa kasong murder.

Kinilala ang suspek sa alyas na “Dagul”.

Inaresto ito alas 6:30 ng gabi, araw ng Miyerkules, October 1 sa Pantukan, Davao de Oro.

Ang warrant of arrest ng suspek ay inisyu ng Presiding Judge Regional Trial Court, Branch 32, Lupon, Davao Oriental na may petsa na March 13, 2025.

Walang inirekomendang piyansa ang korte sa kaso.

Ang operasyon ay ikinasa ng pinagsanib na pwersa ng Regional Special Operations Group (RSOG)–Regional Police Drug Enforcement Unit 11 (RPDEU 11) sa pakikipag-ugnayan sa Pantukan Municipal Police Station, Regional Intelligence Division (RID 11), 1st COY RMFB 11, at Provincial Intelligence Unit (PIU) ng Davao de Oro PPO, at Criminal Investigation and Detection Group (CIDG) Davao de Oro.