TUMANGGAP NG RICE SUBSIDY Ang 100 UNLAD beneficiaries sa Jolo, Sulu mula sa MSSD BARMM

iMINDSPH

Isinagawa ng MSSD ang payout para sa rice subsidy sa Unlad Pamilyang Bangsamoro Program (UPBP) beneficiaries mula Marso 1 hanggang 4, 2026.

Ginanap ang pamamahagi sa MSSD Jolo Unit Office sa Barangay Walled City, kung saan bawat beneficiary ay tumanggap ng PHP 1,500. Ang halagang ito ay ang buwanang tulong para sa bigas na naglalayong maibsan ang pang-araw-araw na gastusin sa pagkain ng mga pamilyang kabilang sa mahihirap na sektor.

Ang rice subsidy ay bahagi ng mas malawak na mithiin ng MSSD na maghatid ng comprehensive intervention gaya ng livelihood assistance, mga pagsasanay, at patuloy na gabay sa mga pamilyang Bangsamoro.

Layunin ng nasabing programa na iangat ang antas ng pamumuhay ng mga beneficiaries upang makamit ang pangmatagalang kaunlaran at kakayahang tumayo sa sariling mga paa.