Warrant of arrest, isinilbi ng awtoridad laban sa isang lalaki na nahaharap sa kasong murder na kasalukuyang nakakulong sa Shariff Aguak Municipal Police Station

IMINDSPH

Sa Shariff Aguak, Maguindanao del Sur-

Isinilbi ng awtoridad ang warrant of arrest laban sa isang lalaki na nakapiit sa Shariff Aguak Municipal Police Station dahil sa kasong murder.

Ang suspek ay kabilang sa listahan ng Top 7 Most Wanted ng PNP PRO BAR at Top 3 Most Wanted provincial level.

Ang warrant of arrest ay inisyu ng Presiding Judge ng RTC Branch 15, 12th Judicial Region na may petsa na Disyembre 18, 2024.

Isinilbi ito alas 5:40 ng hapon, araw ng Martes, June 24 sa mismong istasyon ng pulisya sa Shariff Aguak.

Ang matagumpay na operasyon ay isinagawa ng pinagsanib na elemento ng Shariff Aguak MPS, Provincial Intelligence Unit, Maguindanao del Sur PPO, 2nd PMFC MDSPPO, Regional Intelligence Division at Regional Intelligence Action Team PRO BAR, CIDG RFU BAR at Cotabato CFU, Shariff Saydona Mustapha MPS, PIDMU MDSPPO, at RIU15.